INNI fasteignasala s. 580 7905 -  [email protected]
 

Sérlega glæsilegt og vel staðsett einbýlishús með 38,4 m² frístandandi bílskúr, fjórum rúmgóðum svefnherbergjum og stórri timburverönd í fallegum garði.
Vel staðsett eign á frábærum útsýnisstað, innst í rólegri botnlangagötu og miðsvæðis á Reyðarfirði.
Stofa og eldhús eru í nokkuð opnu og samliggjandi rými. Eldhús var allt endurnýjað árið 2021, þar er mjög flott innrétting með stórri eyju og útgengt er úr rýminu á stóra timburverönd í garði. Úr stofu og af verönd er frábært útsýni. Baðherbergi er flísalagt í hólf og gólf, þar er bæði baðkar og sturta. Fín innrétting er á baðherbergi. Fjögur rúmgóð svefnherbergi eru í húsinu, öll með parket á gólfi og fataskápar eru í þremur herbergjum. Úr hjónaherbergi er útgengt á verönd í garði. Forstofa er flísalögð með fataskáp. Fjórða herberginu var bætt við á kostnað stofu og mögulegt að breyta því til baka. Á teikningu eru þrjú svefnherbergi. Flísar eru einnig á þvottahúsi inn af forstofu sem og gestasalerni en það er nýtt í dag sem hluti af forstofu. 
Bílskúr er nokkuð hefðbundinn, snyrtilegur með bílhurð og sjálfvirkum opnara. Innst í bílskúr er geymsla. 
Bílastæði er hellulagt sem og aðkoma að húsinu. Garðurinn er vel hirtur og fallegur.