INNI fasteignasala s. 580 7905 -  [email protected]
 

Lambeyrarbraut 5, Eskifirði - húsið er laust til afhendingar strax.
Gott og vel staðsett steinsteypt einbýlishús við rólega botnlangagötu, miðsvæðis á Eskifirði í næsta nágrenni við grunnskóla, dagvöruverslun, íþróttahús, bókasafn, leiksvæði og sparkvöll.
Húsið er á tveimur hæðum með fimm svefnherbergjum sem flest eru mjög stór. Mögulegt að skipta húsinu í tvær íbúðir. Er húsið almennt í góðu ástandi og stendur á 600 m² eignarlóð.
Húsið hefur fengið gott viðhald og eru allar raflagnir í húsinu nýjar (2024). Húsið er klætt og einangrað utan frá og stutt er síðan þak var endurnýjað. Innbrenndur litur er á þaki og utanhússklæðningu. Mögulegt að mála klæðninguna ef nýr eigandi hefur áhuga á að breyta um lit. 
Aðalinngangur er á efri hæð, þar eru flísar á forstofu og parket á holi inn af forstofu. Parket er á tveim samliggjandi stofum sem hægt að loka á milli með fallegum tvíbreiðum hurðum.
Í eldhúsi er dúkur á gólfi og eldri innrétting, búr inn af eldhúsi er með dúk á gólfi. Þrjú svefnherbergi eru á efri hæðinni, öll með parket á gólfum. Baðherbergi er flísalagt og þar er baðkar með sturtu. 
Stigi milli hæða liggur úr forstofu á efri hæð og komið er niður í eldhús með dúk á gólfi og eldri innréttingu við einn vegg. Sérinngangur er inn á neðri hæðina og eru flísar á forstofu sem og á litlu baðherbergi inn af forstofu. Á neðri hæð eru tvö afar rúmgóð herbergi með parket á gólfi og glerskápum sem voru fyrir steinasafn. Þvottahús með máluðu gólfi er á neðri hæð. Hitaveita er í húsinu.
Staðfest leyfi frá Fjarðabyggð til að gera bílastæði inni á lóðinni liggur fyrir.