INNI fasteignasala s. 580 7905 -  [email protected]
 

Mikið endurnýjað einbýlishús með fjórum svefnherbergjum og frístandandi bílskúr við Baugsveg á Seyðisfirði. 
Eins og áður sagði er hér um að ræða mikið endurnýjað hús. Neðri hæð var einangruð og múruð, efri hæð klædd upp á nýtt eftir endurbætur á burðargrind, þak yfirfarið og endurnýjað eins og þurfti og allir gluggar endurnýjaðir sem og útidyrahurðir. 
Að innan var allt hreinsað úr húsinu nema útveggir og timburgólf efri hæðar. Allir milliveggir hafa verið endurnýjaðir, allt rafmagn er nýtt og ný rafmagnstafla, allar pípulagnir eru endurnýjaðar, loft neðri hæðar var einangrað með steinull og klætt, á jarðhæð var lagður gólfhiti og innréttingar hafa auðvitað allar verið endurnýjaðar. 

Á efri hæð er eldhús í opnu og afar hlýlegu rými með borðstofu/stofu. Þar inn af er lokað sjónvarpsherbergi/setustofa. Eitt svefnherbergi er á efri hæð. Öll gólf efri hæðar er gamla timburgólf hússins sem pússað var upp og lakkað.
Á neðri hæð eru þrjú svefnherbergi, baðherbergi og rúmgóð forstofa. Öll gólf neðri hæðar eru flotuð og máluð. 

Nánari upplýsingar um eignina og endurbætur á eigninni hjá INNI fasteignasölu.