INNI fasteignasala s. 580 7905 -  [email protected]
 

131,9 m2 einbýlishús á einni hæð með fjórum svefnherbergjum við Hamrahlíð 10 á Vopnafirði. Húsið þarfnast viðhalds/endurbóta.
Skipulag eignar: Forstofa, gestasalerni, geymsla og þvottahús. Eldhús og borðstofa. Stofa og útgengt þaðan í garð. Herbergjagangur, baðherbergi og fjögur svefnherbergi.
Nánari lýsing: Í forstofu er nýtt parket á hluta gólfs sem hefur verið lagt yfir dúk sem var þar áður. Inn af forstofu er þvottahús og gestasalerni. Í þvottahúsi er steypt og málað gólf, innrétting og vaskur. Salerni er lítið og dúkur er á gólfi. Í eldhúsi er dúkur á gólfi og upprunaleg innrétting. Opið er yfir í borðstofu og þaðan í stofu. Nýtt parket á nokkuð rúmgóðu holi og í stofu. Í stofu er stór gluggi og útgengt í garð. Á herbergjagangi er nýtt parket. Hjónaherbergi er parketlagt með fjórföldum fataskáp, þrjú minni herbergi eru þar af tvö teppalögð og eitt parketlagt. Það Baðherbergi er með baðkari með sturtu, klósetti, vaski og dúkur er á gólfi. Víða í húsinu hefur nýlega verið málað.
Gluggar eru upprunalegir og sumir þeirra illa farnir. 
Húsið er farið að láta töluvert á sjá að utan, bæði á gluggum, þakkanti og sprungur eru víða í útveggjum. Talið æskilegt að skoða ástand hússins vel með fagaðila.