Bláargerði 55, 700 Egilsstaðir
85.000.000 Kr.
Einbýli
5 herb.
218 m2
85.000.000
Stofur
2
Svefnherbergi
3
Baðherbergi
2
Inngangur
Sér
Byggingaár
2008
Brunabótamat
86.950.000
Fasteignamat
58.600.000

INNI fasteignasala s. 580 7905 -  [email protected]
 

Einstakt 218,6 m² staðsteypt einbýlishús með innbyggðum bílskúr við Bláargerði 55, Egilsstöðum. Húsið er byggt árið 2008 og er á tveimur hæðum. Á jarðhæð er forstofa, þvottahús, tvö svefnherbergi, baðherbergi, eldhús og stofa/borðstofa í opnu rými. Útgengt er úr eldhúsi, baðherbergi og hjónaherbergi og á yfirbyggða verönd og pall sem snýr til suðurs. Einnig er útgengt úr borðstofu til austurs. Á efri hæð er svefnherbergi með baðherbergi inn af og rúmgott sjónvarpshol/stofa sem hægt væri að breyta í aukaherbergi. Á efri hæð er útgengt á svalir með fallegu útsýni. Stórt hellulagt bílaplan er við húsið sem rúmar þrjá bíla, þar er snjóbræðslukerfi.
 
Nánari lýsing á eign:
Jarðhæð: Tveir inngangar eru í húsið að framanverðu/norðurhlið, um forstofu og þvottahús. Komið er inn í flísalagða forstofu með fatahengi. Ítalskar keramik flísar frá Imola, Camelot, eru flæðandi um alla jarðhæðina og er hiti í gólfum ásamt hitastýringu á allri jarðhæðinni. Stofa/borðstofa er björt og rúmgóð og mjög hátt til lofts með loftgluggum, útgengt á timburpall til austurs. Í eldhúsi er hvítlökkuð Brúnás innrétting og eyja með eldavél og spanhelluborði. Stór rennihurð er úr rýminu til suðurs og á verönd sem er flísalögð og yfirbyggð. Þar er gengið út í skjólsælan gróin garð og timburpall sem umlykur suður og austurhlið hússins. Heitur pottur er við verönd með skjólvegg. Þvottasnúrur í garði. Aðalbaðherbergi er með hvítri Ikea innréttingu og skápum, vegghengdu salerni, sturtu og vaski. Þar eru flísar í hólf og gólf. Útgengt á verönd/pall úr baðherbergi. Hjónaherbergi er með sex-földum Ikea fataskápum og útgengt á verönd/pall. Annað svefnherbergi með tvöföldum Ikea fataskáp. Þvottahús með hvítri innréttingu, vaskur og útgengt á bílastæði. Allar innihurðar á jarðhæð eru sérhannaðar og smíðaðar á Egilsstöðum. Efri hæð: Gengið er upp staðsteyptan stiga á efri hæð. Þar er rúmgott hol/stofa, hátt til lofts með gluggum til suðurs og þakglugga til norðurs. Útgengt á rúmgóðar svalir til suðurs. Svefnherbergi með tvöföldum Ikea fataskápum. Parket á gólfi. Inn af svefnherbergi er baðherbergi með sturtu og vegghengdu salerni. Hvít Brúnás innrétting.
Bílskúr: Bílskúr er rúmgóður með geymslulofti. Rafdrifin bílskúrshurð og tvær útidyr eru í bílskúr. Gengið er beint inn af bílastæði, en einnig er útgengt til suðurs og á bakvið húsið. Í bílskúr er vinnuborð, hillur og vaskur. Lóð vestan og til suðurs við bílskúr er með möl. Fyrir framan húsið er ruslatunnuskýli og hellulagt að aðalinngangi. Möl er á hluta lóðar við norðurhlið. Gluggar og útihurðir eru sér smíðuð úr mahony frá Emar. Húsið er klætt með steini frá Nova brick.
Virkilega fallegt og einstakt einbýlishús og er sjón sögu ríkari. Leikvöllur er fyrir aftan húsið og stutt í
ósnortna náttúru.

Senda fyrirspurn um eignina

Skilaboð hafa verið send.