Sólbrekka 16, 700 Egilsstaðir
65.000.000 Kr.
Einbýli/ Einbýlishús á pöllum
6 herb.
249 m2
65.000.000
Stofur
2
Svefnherbergi
4
Baðherbergi
2
Inngangur
Sér
Byggingaár
1991
Brunabótamat
70.340.000
Fasteignamat
42.000.000

Glæsilegt einbýlishús á frábærum stað við Sólbrekku á Egilsstöðum. Innbyggður bílskúr og lítil íbúð með sér inngangi. Vönduð eign í mjög góðu ástandi og augljóst að eigninni hefur alla tíð verið haldið vel við. Lóð er falleg og vel hirt, stimpluð steypa með snjóbræðslukerfi er á bílastæði og aðkomu að húsi. Húsið stendur örskammt frá leik-, og grunnskóla sem og framhaldsskóla. Einnig örstutt í íþróttamiðstöð.

Flísar eru á forstofu og þar er fjórfaldur fataskápur. Úr forstofu er innangengt í snyrtilegan og vel frá gengin bílskúr. Parket er á stofugólfi en flísar í eldhúsi og borðstofu. Falleg og vel útbúin innrétting er í eldhúsi og úr borðstofu er útgengt í sólstofu og út á rúmgóðar svalir. Eitt svefnherbergi er á efri hæð og þar er parket á gólfi. Á efri hæð er einnig lítið baðherbergi með flísum á gólfi og fíbó plötum á veggjum. Lagnir fyrir sturtu eru til staðar á baðherbergi. Ryksugukerfi er í öllu húsinu.
Á neðri hæð er hol með dúk á gólfi. Rúmgott flísalagt baðherbergi er á neðri hæð, þar er flott innrétting og bæði baðkar og sturta. Hiti er í gólfi á baðherbergi. Þrjú svefnherbergi eru á neðri hæð, öll með dúk á gólfi og fataskápar eru í tveimur þeirra. Málað gólf er í þvottahúsi og góð geymsla þar inn af. Í þvottahúsi er innrétting og þaðan er útgengt í bakgarð. Á neðri hæð er falleg stúdíó-íbúð þar sem eldhús, stofa og svefnrými er í sama opna rýminu með parket á gólfi. Baðherbergi er flísalagt í hólf og gólf og þar er sturta. Sér inngangur er í íbúðina.

Sérlega vel staðsett og flott hús með fjórum svefnherbergjum, sér studíó-íbúð, innbyggðum bílskúr og fallegum garði. Húsið er í mjög góðu ástandi.

Senda fyrirspurn um eignina

Skilaboð hafa verið send.