Fasteignasalan Inni
, 700 Egilsstaðir
  • Verð: 52.000.000   
  • Verð á fm: 238.532   
  • Stærð: 218 m2  
  • Tegund: Einbýli  
  • Samtals Herbergi: 6  
  • Baðherbergi: 2  
  • Stofur: 2  
  • Svefnherbergi: 4  
  •  
  •  
  •  
  •  
  • Sigurður Magnússon
  • INNI fasteignasala
  • Sími : 580 7907
  • Skrifstofa : 580 7907
  • Netfang : sigurdur@inni.is

InnI fasteignasala, s:580 7905. Þvílíkt útsýni!
Erum með í sölumeðferð þetta glæsilega einbýlishús við Egilssel 17 á Egilsstöðum. Eignin er samtals 218 m² þar af er bílskúr 32,80 m². Húsið stendur innst við botnlangagötu í jaðri Selskógar (útivistarparadís Egilsstaða) og er óhætt að segja að útsýni gerist ekki betra úr íbúðarhúsnæði á Egilsstöðum. Húsið er vel frágengið utan lóðar að framan. Húsið hefur verið steinað að utan og gluggar eru álklæddir timburgluggar og þakskyggni álklætt þannig að um lágmarks viðhald er að ræða. Gengið er inn á efri hæð hússins, sem skiptist í rúmgóða forstofu, lítið salerni vel frágengið, bílskúr, eldhús, borðstofu og stofu. Loft er upptekið á efri hæð og er fjarstýrt gólfhitakerfi í öllu húsinu. Innangengt í flísalagðan bílskúr með rafdrifinni hurð og góðu geymslulofti yfir helmingi hans. Eldhús með fallegri hvítri innréttingu, ofn í góðri vinnuhæð, kvörn í vaski fyrir lífrænan úrgang. Einstaklega fallegt útsýni er af allri efri hæð hússins. Parket á gólfum. Svalir ná meðfram hálfri vesturhlið og suðurhliðinni, flísalagðar. 

Neðri hæðin skiptist í fjögur herbergi, þvottahús, geymslu, baðherbergi og sjónvarpsrými. Parket á hæðinni sem og stiganum. Gott geymslupláss undir stiga. Hjónaherbergi með fimmföldum fataskápi, þar við hlið er barnaherbergi með glugga í tvær áttir. Baðherbergi flísalagt í hólf og gólf, upptekið salerni, góð sturtuaðstaða, baðkar. Herbergi fyrir miðri vesturhliðinni er með hurð út í garð, á pall sem er undir svölum efri hæðar. Í suðausturhorni er fjórða herbergið, rúmgott og tvöfaldur fataskápur. Þar við hliðina er þvottahús, sem er tvískipt, fyrst geymsla, síðan þvottahús með góðri innréttingu og þvottavél og þurrkari í góðri vinnuhæð. Gengt út í garð og þvottasnúrur þar rétt hjá.  

Innréttingarnar eru allar sérsmíðaðar frá Miðási.

Fallegt og vel hannað einbýlishús á góðum útsýnisstað. Glæsilegt hús. Húsið er á matsstigi 7 og byggingarstigi 5, lokaúttekt er í vinnslu. 

Ýmis skipti geta komið til greina, einnig á höfuðborgarsvæðinu.  

Kaupendur athugið - umsýslugjald sem kaupendur greiða, verði af kaupum, til InnI ehf., er 55.800  með virðisaukaskatti. Gerið samanburð - það borgar sig.